არასამთავრობო სექტორი - ბიძინა ივანიშვილს ეკისრება პასუხისმგებლობა იმ შედეგებზე, რაც შეიძლება საკონსტიტუციო ცვლილებების ჩაგდებას მოყვეს

აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმა საკონსტიტუციო ცვლილებების კენჭისყრასთან დაკავშირებით განცხადებას ავრცელებს და „პასუხისმგებლობას იმ მძიმე შედეგებზე, რაც შეიძლება პირობის გატეხვას მოჰყვეს, ბიძინა ივანიშვილს აკისრებს“.

განცხადებაში აღნიშნულია, რომ საქმე გვაქვს უპასუხისმგებლო პოლიტიკურ თამაშთან, „ქართული ოცნების“ და მისი ლიდერის, ბიძინა ივანიშვილის მხრიდან.

„აღმაშფოთებელია ბოლო დღეების განმავლობაში საქართველოს პარლამენტში მიმდინარე პროცესი. საპარლამენტო უმრავლესობის მიერ მოწყობილი ობსტრუქცია, რომელიც მიზნად ისახავდა კონსტიტუციური ცვლილების არმიღებას, შეიცავს ქვეყნის დესტაბილიზაციის რისკს, რაც დიდ დარტყმას მიაყენებს თითოეული მოქალაქის მომავალს, ასევე კითხვის ნიშნის ქვეშ დააყენებს ქვეყნის ევროპულ პერსპექტივას.

ვფიქრობთ, რომ პროპორციულ საარჩევნო სისტემაზე გადასვლა კრიტიკულად მნიშვნელოვანია ქვეყნის დემოკრატიული განვითარებისთვის. პროპორციული საარჩევნო სისტემის დამკვიდრების მნიშვნელობა თითქოს იყო გააზრებული და გაზიარებული პოლიტიკური ძალების უმრავლესობის, მათ შორის მმართველი ძალის „ქართული ოცნების“ მიერ. თუმცა ბოლო დღეებში განვითარებული მოვლენები გვაფიქრებინებს, რომ საქმე გვაქვს უპასუხისმგებლო პოლიტიკურ თამაშთან, რითაც მმართველი ძალა, „ქართული ოცნება“ და მისი ლიდერი, ბიძინა ივანიშვილი, რომლებმაც არ შეასრულეს საზოგადოებისთვის მიცემული პირობა, უდიდეს საფრთხეს უქმნიან ქვეყნის სტაბილურობას, დემოკრატიულ განვითარებას და თავისუფალ ევროპულ პერსპექტივას. გვინდა კიდევ ერთხელ გავუსვათ ხაზი იმას, რომ ისინი იქნებიან პასუხისმგებელი მძიმე შედეგებზე, რაც შეიძლება მოყვეს პირობის გატეხვას და უსამართლო, არაეფექტური საარჩევნო სისტემის დატოვებას”,-აღნიშნულია განცხადებაში, რომელსაც ავრცელებენ: ლიბერალური აკადემია თბილისი, ახალგაზრდა იურისტთა ასოციაცია, ჟურნალისტიკის რესურსცენტრი, საერთაშორისო ბიზნესის და ეკონომიკის განვითარების ცენტრი, მსოფლიო გამოცდილება საქართველოსთვის, ახალგაზრდული ალტერნატივა, ასოციაცია ტოლერანტი, საქართველოს მწვანეთა მოძრაობა/დედამიწის მეგობრები, ფონდი სამოქალაქო განათლების განვითარების მულტიეთნიკური რესურსცენტრი, ასოციაცია მწვანე ტალღა , სამეცნიერო-ინტელექტუალური კლუბი თაობათა დიალოგი, ჩართულობის და განვითარების ცენტრი.

შეგახსენებთ, პარლამენტმა საარჩევნო სისტემის ცვლილებასთან დაკავშირებით კონსტიტუციურ კანონში ცვლილებები პირველი მოსმენით ჩააგდო.

პლენარულ სხდომაზე რეგისტრაცია 141-მა დეპუტატმა გაიარა. პროპორციულ საარჩევნო სისტემაზე გადასვლას პირველი მოსმენით 101-მა დეპუტატმა, მათ შორის ოპოზიციონერმა დეპუტატებმა დაუჭირეს მხარი. წინააღმდეგ კი 3 დეპუტატი წავიდა, თუმცა კვორუმი 113 ხმა იყო, რის გამოც კანონპროექტი ჩავარდა.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 30.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
კახა ოქრიაშვილი - ჩვენ, ქართველებს არ გვეკადრება ისეთი ხელისუფლება, რომელსაც საკუთარი ერი ფიზიკურ და ფსიქოლოგიურ ტერორში ჰყავს
კომპანია „აზრმა“ BDO Digital-თან თანამშრომლობით ISO 27001 სტანდარტი დანერგა
ბაზისბანკის ინვესტიციით, მესტიაში სასტუმრო „ლილეო ინნ“ გაიხსნა
სიახლე მხოლოდ „ლიბერთის“ მომხმარებლებისთვის
„შეცვალე“ – „პროკრედიტ ბანკი“ მასშტაბურ გარემოსდაცვით კამპანიას იწყებს
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს