მიშა მშვილდაძე - დღეს ჩვენ ხელისუფლებას შევთავაზებთ უკიდურესად კონსტრუქციულ წინადადებას

პარლამენტის შენობის წინ, მოძრაობა "სირცხვილიას" აქტივისტები ღამეს ათევენ. აქტივისტებს რუსთაველის გამზირზე, საავტომობილო გზის სავალ ნაწილზე კარვები აქვთ გაშლილი. რუსთაველზე იმყოფებიან ოპოზიციონერი ლიდერებიც.

აქციის ერთ-ერთმა ორგანიზატორმა მიშა მშვილდაძემ, კითხვაზე, ხომ არ ვარაუდობს, რომ კარვებს დაშლიან, განაცხადა, რომ "ყველაფრისთვის მზად არიან".

"ყველაფრისთვის მზად ვართ, მაგრამ თვითონ პოლიციაც საკმაოდ ადეკვატურად არის განწყობილი და გრძნობენ მიმდინარე ამბის კონტექტს. ყიველ შემთხვევაში, ამ მომენტამდე არ შეგვინიშნავს, რომ ვინმე რამის დაშლას აპირებს", - განუცხადა მშვილდაძემ „ინტერპრესნიუსს“.

რაც შეეხება დღევანდელ გეგმებს, მშვილდაძის თქმით, ისინი ხელისუფლებას შესთავაზებენ "უკიდურესად კონსტრუქციულ წინადადებას". მისი თქმით, ბრიფინგი, სავარაუდოდ, 12:00 საათზე გაიმართება.

"ჩვენ ხელისუფლებას შევთავაზებთ ერთ ვერსიას, თუ როგორ არის შესაძლებელი არა საკონსტიტუციო უმრავლესობით, არამედ, უბრალო უმრავლესობით, 76 ხმით, იგივე შედეგის მიღება, რასაც მივიღებდით პროპორციული არჩევნების შემთხვევაში", - განაცხადა მშვილდაძემ.

ამასთან, მისივე თქმით, რუსთაველის გამზირზე, "პირდაპირ ბუდაპეშტიდან ჩამოვიდნენ "სირცხვილიას" თანაორგანიზატორები, სადაც პრეზენტაცია ჰქონდათ თემაზე, თუ როგორ შეძლეს 100 დღე მუხტის შენარჩუნება".

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 24.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში