პარლამენტის ბიურომ დღევანდელ სხდომაზე 12 დეპუტატის განცხადება უმრავლესობის დატოვების თაობაზე ცნობად მიიღო

ჩვენთვის ძალიან სამწუხაროა, რომ ჩვენმა თანაგუნდელებმა უმრავლესობა დატოვეს, - ამის შესახებ პარლამენტის თავმჯდომარემ ბიუროს სხდომაზე განაცხადა. ბიურომ დღევანდელ სხდომაზე 12 დეპუტატის განცხადება უმრავლესობის დატოვების თაობაზე ცნობად მიიღო. ამასთან, არჩილ თალაკვაძემ უმრავლესობის ლიდერს გია ვოლსკის სთხოვა, დროულად უზრუნველყოს კონსულტაციები, რომ რამდენიმე კომიტეტის თავმჯდომარისა და ვიცე-სპიკერის თანამდებობებზე კონკრეტული ადამიანები დაინიშნონ.

„ჩვენი მეგობრების, ჩვენი თანაგუნდელების მიერ მიღებული გადაწყვეტილება ჩვენი მხრიდან პატივისცემას იმსახურებს. მათ ამ წლების განმავლობაში ბევრი შრომა ჩადეს იმ მიმართულებებში, რომლებსაც უძღვებოდნენ. ჩვენთვის ძალიან სამწუხაროა, რომ მათ უმრავლესობა დატოვეს, თუმცა მე იმედს მაძლევს ის განწყობა, რომელიც მომავალში მოგვცემს შესაძლებლობას, პროგრესულ პროექტებსა და მნიშვნელოვან ინიციატივებზე კვლავ მივიღოთ მათი მხარდაჭერა საქართველოს პარლამენტში,“ - განაცხადა არჩილ თალაკაძემ.

შეგახსენებთ, რომ 14 ნოემბერს პროპორციულ საარჩევნო სისტემაზე კონსტიტუციური კანონის პროექტის ჩავარდნის შემდეგ, საპარლამენტო უმრავლესობა თორმეტმა დეპუტატმა დატოვა. მათ შორის საგარეო ურთიერთობათა, ევროინტეგრაციისა და განათლების კომიტეტების თავმჯდომარეებმა და პარლამენტის ვიცე-სპიკერმა.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს