„გირჩის“ ლიდერი ზურაბ ჯაფარიძე ხელწერილის საფუძველზე გათავისუფლდა. აღნიშნულის შესახებ „ინტერპრესნიუსს“ შინაგან საქმეთა სამინისტროში დაუდასტურეს.
შეგახსენებთ, პარლამენტთან დღეს მოძრაობა „სირცხვილიას“ ლიდერები - გიგა მაქარაშვილი და ზუკა ბერძენიშვილი, ასევე „გირჩის“ ლიდერი ზურა ჯაფარიძე დააკავეს.
პარლამენტთან მიმდინარე აქცია სპეცრაზმმა სპეციალური ტექნიკის დახმარებით დაშალა. რუსთაველის გამზირი გაწმენდილია კარვებისგან. სპეციალური დანიშნულების რაზმმა აქციის მონაწილეთა წინააღმდეგ რამდენჯერმე წყლის ჭავლი გამოიყენა.