სოფლის მეურნეობის განვითარების გეგმები და შესაძლებლობები - კონფერენცია "ექსპოჯორჯიაში" გაიმართება

სოფლის მეურნეობისა და კვების მრეწველობის რიგით მე-19 საერთაშორისო გამოფენის ფარგლებში 21 ნოემბერს სადისკუსიო პანელი იმართება AGROBUSINESS - სოფლის მეურნეობის განვითარების გეგმები და შესაძლებლობები.

სადისკუსიო პანელი და სემინარები 21 ნოემბერს გაიმართება მათთვის, ვინც აპირებს აგრობიზნესის წამოწყებას ან უკვე დასაქმებულია აგროსფეროში.

„21 ნოემბერს სოფლის მეურნეობის გამოფენის ფარგლებში დაგეგმილი გვაქვს არაერთი ღონისძიება. ადგილზე მოსული სტუმრები, რომლებიც ახლა იწყებენ აგროსფეროში ბიზნესს, გაეცნობიან დაფინანსების მოპოვების გზებს, ასევე გაიგებენ, თუ რა სტანდარტებს უნდა აკმაყოფილებდეს პროდუქცია, რომ ქართული სუპერმარკეტების დახლებზე მოხვდეს.

სემინარები არის მათთვის, ვინც უკვე არის აგრობიზნესის მფლობელი - მათ სადისკუსიო პანელზე ექნებათ შესაძლებლობა გაიგონ, თუ რას გეგმავს სახელმწიფო სოფლის მეურნეობის კუთხით 2020 წელს და რა ტენდენციებია აგროსფეროში.

პანელი ითვალისწინებს ასევე კითხვა პასუხის ფორმატს დამსწრე აუდიტორიასა და დისკუსიის მონაწილეებს შორის” - ამბობს ორგანიზატორი მარიამ ცაიშვილი.

სადისკუსიო პანელის მოდერატორი იქნება საქართველოს ფერმერთა ასოციაციის თავმჯდომარე ნინო ზამბახიძე. დისკუსიაში მონაწილეობას მიიღებენ: აწარმოე საქართველოში; ტურიზმის ეროვნული ადმინისტრაცია; გარემოს დაცვისა და სოფლის მეურნეობის სამინისტრო; თიბისი ბანკი; საპარტნიორო ფონდი.

ღონისძიებები სოფლის მეურნეობისა და კვების მრეწველობის მე-19 საერთაშორისო გამოფენის ფარგლებში გაიმართება. გამოფენას ექსპოჯორჯია 20-22 ნოემბერს უმპასპინძლებს და მასში მონაწილეობას 15 ქვეყნის 100-მდე კომპანია მიიღებს.

მონაწილე კომპანიები სრულად მოიცავენ სოფლის მეურნეობის, კვების მრეწველობის, სასმელების, შემფუთველი და გადამამუშავებელი ტექნოლოგიების სფეროებს.

სამი დღის განმავლობაში, ექსპოჯორჯიას მე-6, მე-11 პავილიონებსა და გარე სივრცეში დაგხვდებათ: სასოფლო-სამეურნეო მანქანა-დანადგარები, შესაფუთი ტექნოლოგიები და მასალები,სამაცივრე აღჭურვილობა, კვების ტექნოლოგიები, საირიგაციო სისტემები, თესლები და ნერგები, სასუქები და ქიმიკატები, საშრობები და შენახვის სისტემები, საჯიშე მეცხოველეობა და მეფრინველეობა და სხვა.

გამოფენა უნიკალური სივრცეა პოტენციური პარტნიორობისთვის. ნებისმიერ დაინტერესებულ პირს შეუძლია დაგვიკავშირდეს და დავუგეგმოთ B2B შეხვედრა გამოფენის მონაწილე კომპანიასთან ექსპოჯორჯიას მე-11 პავილიონში

ექსპოჯორჯიას ორგანიზებით და საქართველოს სოფლის მეურნეობის სამინისტროს მხარდაჭრით გამოფენას მცირე ფერმერები საქართველოს ყველა რეგიონიდან დაესწრებიან. მათ საშუალება ექნებათ დაამყარონ პირდაპირი კონტაქტები მეწარმეებთან, გაეცნონ ახალ ტექნოლოგიებს და სოფლის მეურნეობის სექტორში მიმდინარე სიახლეებს.

გამოფენა 20 ნოემბერს 11:00 საათზე, გამოფენების ცენტრ ექსპოჯორჯიას მე-11 პავილიონში გაიხსნება და 3 დღის განმავლობაში დამთვალიერებელს 11:00 დან – 18:00 საათამდე მიიღებს.

(R)

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა