ბორის ჯონსონი და ჯერემი კორბინი სატელევიზიო დებატების დროს ერთმანეთს „ბრექსითის“ საკითხზე  დაუპირისპირდნენ

დიდი ბრიტანეთის პრემიერ-მინისტრი ბორის ჯონსონი და მისი „ლეიბორისტი“ მეტოქე ჯერემი კორბინი 12 დეკემბერს დაგეგმილი არჩევნების წინ გამართული პირველი სატელევიზიო დებატების დროს „ბრექსითის“ საკითხზე დაუპირისპირდნენ ერთმანეთს, - ამის შესახებ ინფორმაციას „ევრონიუსი“ ავრცელებს.

გამოცემის ცნობით, დებატების დროს კორბინმა განაცხადა, რომ ის „ბრექსითის“ შესახებ ევროკავშრთან ხელახალ მოლაპარაკებებს გამართავს, საბოლოო სიტყვის უფლებას ხალხს მისცემს და მათ სურვილს პატივს სცემს.

ბორის ჯონსონის კითხვაზე, კერძოდ რის გაკეთებას აპირებს ამ კუთხით, ჯერემი კორბინმა უპასუხა, რომ ჩაატარებს რეფერენდუმს და ხალხის გადაწყვეტილებას დაემორჩილება.

ბორის ჯონსონმა კი განაცხადა, რომ დიდი ბრიტანეთი ევროკავშირს 31 იანვარს დატოვებს, ხოლო ბლოკთან ახალ სავაჭრო შეთანხმებას ქვეყანა 2020 წლის ბოლომდე გააფორმებს.

დებატების დროს „კონსერვატორებისა“ და „ლეიბორისტების“ ლიდერებმა სხვა საკითხებზეც იკამათეს, მათ შორის ანტისემინიზმსა და „ჯანდაცვის ეროვნულ სერვისზე.“

დებატების შემდეგ ჩატარებული გამოკითხვის შედეგების მიხედვით, რესპონდენტთა 51 პროცენტმა განაცხადა, რომ დებატები ბორის ჯონსონმა მოიგო, 49 პროცენტმა კი გამარჯვებულად კორბინი დაასახელა.

შეგახსენეთ, რიგგარეშე საპარლამენტო არჩევნები დიდ ბრიტანეთში 12 დეკემბერს გაიმართება. გამოკითხვები აჩვენებს, რომ „კონსტერვატორებს“ ამომრჩეველთა 42 პროცენტი უჭერს მხარს, „ლეიბორისტებს“ - 30 პროცენტი, „ლიბერალ-დემოკრატებს“ -15 პროცენტი, „ბრექსითის პარტიას“ კი - ამომრჩეველთა 4 პროცენტი.

იხილეთ ვიდეო:

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება