საქალაქო სასამართლოში აქციის დაშლისას დაკავებული ზუკა ბერძენიშვილის, ბექა ბასილაიას და კიდევ 4 პირის პროცესი მიმდინარეობს

თბილისის საქალაქო სასამართლოში, 18 ნოემბრის აქციის დაშლისას დაკავებული კიდევ 6 პირის - ელგუჯა ბაგრატიონის, გურამ მჭედლიშვილის, ბექა ბასილაიას, ზუკა ბერძენიშვილის, გიორგი ბუნტურისა და ლუკა ჭიჭინაძის სასამართლო პროცესი მიმდინარეობს.

სასამართლო პროცესის დაწყებისას ბექა ბასილაიამ მოსამართლე ვალერიანე ფილიშვილის აცილების შუამდგომლობა დააყენა. როგორც ბასილაიამ შუამდგომლობაში განმარტა, მოსამართლის მიერ უხეშად იქნა კანონმდებლობა დარღვეული, ვინაიდან გუშინ დაკავებული პირები გაურკვეველი სტატუსით უკანონო პატიმრობაში იმყოფებოდნენ.

მოსამართლემ ბექა ბასილაიას აღნიშნულ შუამდგომლობაზე სამართლებრივი საფუძვლის დასახელება მოსთხოვა.

ბექა ბასილაიას განმარტებით, თუ მოსამართლეს ნორმის მითითება სჭირდებოდა, ის შუამდგომლობას უკან გაიწვევდა.

ცოტა ხანში მოსამართლემ სხდომათა დარბაზიდან რამდენიმე პირი გააძევა, მათ შორის, ნინო დანელია.

"მეც ვიყავი და მეც ვიგინებოდი, შს მინისტრსაც შევაგინე, პრემიერსაც შევაგინე. სამართლიან გადაწყვეტილებას თუ არ მიიღებთ, საღამოს თქვენ შეგაგინებთ", - განაცხადა დარბაზიდან გაძევებისას ერთ-ერთმა პირმა.

ალექსანდრე თვალჭრელიძე - ჩვენი პოლიტიკური სპექტრის ნარატივი ინფანტილური და ფიცარივით ბრტყელია, არ გამოვრიცხავ ახალი პარტიის დაფუძნებას
ქართული პრესის მიმოხილვა 18.01.2021
როგორ გაართვა თავი განათლების სისტემამ სწავლების დისტანციურ რეჟიმს? - პირველი სემესტრის შედეგებს განათლების მინისტრის მოადგილე აჯამებს
D ვიტამინის გავლენა რეპროდუქციულ ჯანმრთელობაზე