გიგი უგულავას განცხადებით, მთავრობას „ბოქლომის დღეს“ ყოველ ხუთშაბათს მოუწყობენ

მთავრობის ადმინისტრაციასთან ოპოზიციური პარტიებისა და სამოქალაქო აქტივისტების საპროტესტო აქცია დასრულდა. აქციის მონაწილეებმა სცადეს ადმინისტრაციული შენობის ერთ-ერთი შესავლელის პიკეტირება და ამ მიზნით მათ ადგილზე ბოქლომი მიიტანეს. აქციის მონაწილეები აცხადებდნენ, რომ ბოქლომს მთავრობის ადმინისტრაციის შენობის შესასვლელს სიმბოლურად დაადებდნენ და ამით თავიანთ პროტესტს გამოხატავდნენ ხელისუფლებისადმი.

ბოქლომის დადებას პოლიციასა და აქციის მონაწილეებს შორის რამდენჯერმე მოჰყვა დაპირისპირება. პოლიცია მათ ჭიშკარზე ბოქლომის დადების საშუალებას არ აძლევდა. საბოლოოდ კი აქციის მონაწილეებმა ბოქლომი შენობის ღობეზე ჩამოკიდეს.

„ევროპული საქართველოს“ წევრის, გიგი უგულავას განცხადებით, ამგვარი პროტესტი მთავრობის ადმინისტრაციასთან ყოველ ხუთშაბათს გაიმართება და მთავრობას „ბოქლომის დღეს“ ყოველ ხუთშაბათს მოუწყობენ.

„ასე მოვუწყობთ ხოლმე მთავრობას ხუთშაბათობას. „ბოქლომის დღე მთავრობას“, იქნება ხუთშაბათობით. 200 პოლიციელი სჭირდება დაახლოებით, იმისთვის, რომ უზრუნველყოფილი იყოს მთავრობის მშვიდობიანი გაქცევა აქედან.

ჩვენი ნერვები გაცილებით უფრო ძლიერია, ვიდრე ბიძინასი. სპეციალური გზავნილი არის ის, რომ აქ სულ იქნება ხუთშაბათობა. ივანიშვილს არანაირი მოთმინების უნარი არ აქვს. ჩვენ ვიქნებით აბსოლუტურად არაძალადობრივი, იმიტომ, რომ გამოჩნდეს მათი რეალური ბუნება.

დღეს ჩვენი ამოცანა იყო, რომ ფაციფუცით დაემთავრებინათ მოჩვენებითი მთავრობის სხდომა. ზუსტად 45 წუთში დაამთავრეს და უკანა კარიდან გაიქცნენ“, - განაცხადა უგულავამ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს