შინაგან საქმეთა მინისტრი ვახტანგ გომელაური ოფიციალური ვიზიტით საფრანგეთში გაემგზავრა. როგორც „ინტერპრესნიუსს“ შინაგან საქმეთა სამინისტროდან აცნობეს, ვიზიტის ფარგლებში დაგეგმილია ორმხრივი შეხვედრა საფრანგეთის რესპუბლიკის შინაგან საქმეთა მინისტრთან, კრისტოფ კასტანერთან.
მათივე ინფორმაციით, შეხვედრაზე ორი ქვეყნის შინაგან საქმეთა მინისტრები სამართალდაცვით სფეროში ორმხრივი თანამშრომლობის შემდგომ გაძლიერებაზე ისაუბრებენ, ევროკავშირთან უვიზო მიმოსვლის გამოწვევების საპასუხოდ განხორციელებულ ერთობლივ ღონისძიებებს შეაფასებენ და სამომავლო გეგმებს განიხილავენ.