ამ წუთებში ახალგაზრდული მოძრაობა „გაბედე“ სახელმწიფო უსაფრთხოების სამსახურთან საპროტესტო აქციას მართავს.
როგორც აქციის მონაწილეები აცხადებენ, გეგმავენ, რომ სუს-ის ჭიშკარს ბოქლომი დაადონ.
„მოძრაობაში „გაბედე“ გაერთიანებულია აბსოლუტურად ყველა პოლიტიკური პარტია, მინუს ერთი და ეს მინუს ერთი არის ბიძინა ივანიშვილის „ქართული ოცნება“. დღეს აქ მოვედით, რადგან სუს-ი არის ბიძინა ივანიშვილის პირადი დაცვის კანტორა“, - განაცხადეს აქციაზე.
ამ წუთებში აქციის მონაწილეები ჭიშკრამდე მისასვლელი გზის გადაკეტვას გეგმავენ, თუმცა მათ პოლიცია მოუწოდებს, რომ მოძრაობა არ შეაფერხონ.
