ჰონგ-კონგის 18 საარჩევნო ოლქში ადგილობრივი თვითმმართველობის ორგანოების არჩევნები მიმდინარეობს, ინფორმაციას ამის შესახებ „ბიბისი“ ავრცელებს.
საარჩევნო უბნები ადგილობრივიდროით 07:30 საათზე გაიხსნა. არჩევნებისთვის 4,13 მილიონი ამომრჩეველია დარეგისტრირებული. რაიონული საბჭოს დეპუტატის 452 მანდატისთვის 1090 კანდიდატი იბრძვის.
აღსანიშნავია, რომ დღემდე ამ მანდატების უმრავლესობა პრო-პეკინურ პარტიებს ეკუთვნოდათ.
ჰონგ-კონგის პრო-დემოკრატიულმა საპროტესტო ჯგუფებმა მოსახლეობას მოუწოდეს, არჩევნების მიმდინარეობას ხელი არ შეუშალონ. მათ იმედი აქვთ, რომ აღნიშნული არჩევნებით ჰონგ-კონგი ჩინეთის მთავრობას სერიოზულ მესიჯს გაუგზავნის. ჰონგ-კონგის ხელისუფლება კი აცხადებს, რომ საარჩევნო უბნებზე არეულობის მოწყობის შემთხვევაში, არჩევნებს ჩაშლის.