საფრანგეთის სამხრეთ-აღმოსავლეთ ნაწილში ძლიერმა წვიმამ წყალდიდობა გამოიწვია, რის შედეგადაც ასობით სახლი დაიტბორა. ამასთან, ფრანგულ მედიაში ვრცელდება ინფორმაცია 2 დაშავებულისა და 2 დაკარგულის შესახებ.

წყალდიდობის გამო, საფრანგეთის ზღვისპირა ალპების რეგიონში საფრთხის წითელი დონე გამოცხადდა. ადგილობრივმა ხელისუფლებამ რეგიონის რამდენიმე ქალაქის მოსახლეობას საცხოვრებელი სახლების დატოვებისა და უსაფრთხო ზონაში გადასვლისკენ მოუწოდა. ამასთან, 4 000-ზე მეტ სახლს ელექტროენერგია ამ დრომდე არ მიეწოდება.