რუმინეთის საპრეზიდენტო არჩევნების მეორე ტურში მოქმედი პრეზიდენტი ლიდერობს
რუმინეთის საპრეზიდენტო არჩევნების მეორე ტურში ქვეყნის მოქმედი პრეზიდენტი კლაუს იოჰანისი ლიდერობს, - ამის შესახებ ინფორმაციას „ევრონიუსი“ ავრცელებს.
გამოცემის ცნობით, ეგზიტპოლების შედეგების თანახმად, იოჰანისმა ხმების 64%-67% პროცენტი მოაგროვა, მისმა კონკურენტმა, ყოფილმა პრემიერ-მინისტრმა ვიორიკა დენჩილემ კი - 33-36%.
“დღეს გამარჯვებულია თანამედროვე რუმინეთი, ნორმალური რუმინეთი. ამ გამარჯვებას ვიღებ სიხარულით, მადლიერებით, მოკრძალებით და რუმინეთის მიმართ რწმენით”, - განაცხადა იოჰანისმა ჟურნალისტებთან საუბარში.
Politico-ს ინფორმაციით, საპრეზიდენტო არჩევნების მოერე ტურში 10 მილიონმა რუმინელმა მიიღო მონაწილეობა, ანუ ამომრჩეველთა აქტივობამ 54.89 პროცენტი შეადგინა. გამოცემის ცნობით, საზღვარგარეთ მცხოვრებ რუმინელებში რეკორდულად მაღალი აქტივობა დაფიქსირდა და არჩევნებში მონაწილეობა ქვეყნის ფარგლებს გარეთ მცხოვრებმა რუმინეთის 930,000-მა მოქალაქემ მიიღო. აღსანიშნავია, რომ ემიგრაციაში ქვეყნის მოსახლეობის თითქმის მეხუთედი ცხოვრობს.
This is a modal window.
v-if="article.gallery" v-html="article.gallery"
