კენიაში მეწყრის ჩამოწოლის შედეგად დაღუპულთა რიცხვი 56 ადამიანამდე გაიზარდა, - ამის შესახებ ინფორმაციას „როიტერსი“ ავრცელებს.
კენიის ჩრდილო-დასავლეთ ნაწილში მეწყერი გადაუღებელმა წვიმებმა გამოიწვია. სტიქიამ ოთხი ხიდი წალეკა და რამდენიმე სოფელთან მისასვლელი გზები ჩაკეტა.
ადგილობრივი ხელისუფლების ინფორმაციით, სამაშველო სამუშაოებს გადაუღებელი წვიმა და ნისლი აფერხებს.
