თუ ჩვენ ვსაუბრობთ, რომ უმცირესობების, ნებისმიერი კონფესიის რელიგიის თავისუფლება უნდა დავიცვათ, რატომ არის ხშირ შემთხვევაში, რომ გამონაკლისი ხდება მართლმადიდებელი სარწმუნოებისთვის? - ამის შესახებ ადამიანის უფლებათა დაცვის კომიტეტის თავმჯდომარემ, სოფო კილაძემ ჟურნალისტებთან განაცხადა, როდესაც ბიძინა ივანიშვილის რეზიდენციასთან „გირჩის" მიერ გამართულ პერფორმანსზე ისაუბრა.
მისივე თქმით, სიტყვის და გამოხატვის თავისუფლება უმნიშვნელოვანესია, თუმცა, ამან ზიანი არ უნდა მიაყენოს, არ უნდა დაარღვიოს სხვა ადამიანების რელიგიის თავისუფლება.
„თუ ჩვენ ვსაუბრობთ იმაზე, რომ უმცირესობების, ნებისმიერი რელიგიური კონფესიის რელიგიის თავისუფლება უნდა დავიცვათ, რატომ არის ხშირ შემთხვევაში, რომ გამონაკლისი ხდება მართლმადიდებელი სარწმუნოებისთვის? მართლმადიდებლური სარწმუნოება არის უმნიშვნელოვანესი ქვეყნისთვის, მისი ისტორიისთვის და ის უნდა იყოს დაცული, ისევე როგორც სხვა ნებისმიერი კონფესია. როცა ხდება ასეთი ფორმით რელიგიის შეურაცხყოფა, ეს ძალიან ცუდად მეტყველებს იმ პოლიტიკურ ძალაზე, რომელიც ამას აკეთებს", - განაცხადა სოფო კილაძემ.