კახა კალაძე „ევროპული საქართველოს“ ლიდერების განცხადებაზე, რომ სუს-ი უთვალთვალებს - თუ არსებობს ფაქტი, რა თქმა უნდა, მიუღებელია

თუ არსებობს ფაქტი, რა თქმა უნდა, მიუღებელია,-ამის შესახებ თბილისის მერმა კახა კალაძემ მედიას განუცხადა, რითაც გამოეხმურა "ევროპული საქართველოს" ლიდერების განცხადებას, რომლის თანახმადაც, მათ სუს-ი უთვალთვალებს.

კალაძის თქმით, აღნიშნულთან დაკავშირებით ინფორმაცია არ აქვს და კითხვა შესაბამის სამსახურებთან უნდა იყოს დასმული.

"თუ არსებობს ასეთი ფაქტი, რა თქმა უნდა, მიუღებელია, თუმცა მე არ მაქვს წვდომა და ინფორმაცია ამასთან დაკავშირებით. თუ თქვენ გაქვთ რამე ინფორმაცია, შესაბამის სამსახურებს მიმართეთ, რომ დააკონკრეტებინოთ - რა არის ეს, რასთან გვაქვს საქმე. ლიდერებმა მიმართონ",-განაცხადა კალაძემ.