ჩიტაძის ქუჩაზე შეკრებილი აქციის მონაწილეები პარლამენტისკენ გადაადგილებას ვერ ახერხებენ, რაც რკინის ბარიკადებზე ხელების ბრახუნით გააპროტესტეს
ჩიტაძის ქუჩაზე შეკრებილი აქციის მონაწილეები პარლამენტისკენ გადაადგილებას ვერ ახერხებენ. მათ ხელს რკინის კონსტრუქციები უშლის, რომლებიც ადგილზე პოლიციას აქვს განთავსებული.
ცოტა ხნის წინ, აქციის მონაწილეებმა აღნიშნულის საპროტესტოდ რკინის კონსტრუქციებზე ხელების ბრახუნი დაიწყეს, თუმცა პოლიცია ბარიკადების წინ განთავსდა, რის გამოც მომიტინგეები ბარიკადებს ვეღარ ეხებიან.
„ნაციონალური მოძრაობის“ წევრი ზურაბ მელიქიშვილი სამართალდამცავებისგან დაინტერესდა, რატომ არ შეეძლოთ პარლამენტთან მისვლა. სამართალდამცავებმა განმარტეს, რომ მათ ქმედებას „პოლიციის შესახებ კანონი“ ედო საფუძვლად.
