მექსიკაში შეიარაღებულ დაპირისპირებას 14 ადამიანის სიცოცხლე ემსხვერპლა

მექსიკის ქალაქ ვილა იუნიონში მომხდარ შეიარაღებულ დაპირისპირებას კარტელის 10 წევრი და 4 პოლიციელი ემსხვერპლა, - ამის შესახებ ინფორმაციას „როიტერსი“ ავრცელებს.

ადგილობრივი ხელისუფლების ცნობით, ინციდენტის შედეგად დაჭრილია 6 სამართალდამცავი.

პოლიციასა და მძიმედ შეიარაღებულ პირებს შორის შეტაკება მას შემდეგ დაიწყო, რაც მეზობელ შტატ ტამაულიფადან შემოჭრილმა პირებმა „პიკაპის“ ტიპის ავტომობილებით ქალაქში თარეში დაიწყეს.

სამართალდამცავების ინფორმაციით, მათ 14 ავტომობილის იდენტიფიცირება მოახდინეს და 10-ზე მეტი იარაღი ამოიღეს.

შეგახსენებთ, რამდენიმე დღის წინ აშშ-ის პრეზიდენტი დონალდ ტრამპი მექსიკელი ნარკოკარტელების ტერორისტთა სიაში შეყვანის ინიციატივით გამოვიდა. მექსიკის პრეზიდენტმა ანდრე მანუელ ლოპეზ ობრადორმა კი განაცხადა, რომ მექსიკა მოძალადე კრიმინალურ დაჯგუფებთან გამკლავებას დამოუკიდებლადაც მოახერხებს და ქვეყნის საქმეებში უცხო ძალის არანაირ ჩარევას არ დაუშვებს.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ