თბილისის საქალაქო სასამართლომ სემეკის მიერ დადგენილი ტარიფების ბათილად ცნობასთან დაკავშირებით „ლეიბორისტული პარტიის“ ლიდერის, შალვა ნათელაშვილის სარჩელი არ დააკმაყოფილა.
შალვა ნათელაშვილი სს „თელასისა“ და სს „ენერგო-პრო ჯორჯიას“ ტარიფების დადგენის შესახებ სემეკის 2017 წლის 27 დეკემბრის N48 და N49 დადგენილებების ბათილობას მოითხოვდა.
აღნიშნულს ადასტურებენ საქართველოს ენერგეტიკისა და წყალმომარაგების მარეგულირებელ ეროვნულ კომისიაში (სემეკ) და ამბობენ, რომ მათ ჩაბარდათ თბილისის საქალაქო სასამართლოს ადმინისტრაციულ საქმეთა კოლეგიის N3/440-18 გადაწყვეტილება.
სასამართლოს მიერ უსაფუძვლოდ იქნა მიჩნეული მოსარჩელე მხარის მითითებები სადავო დადგენილებების მიღებისას კომისიის მხრიდან კანონმდებლობით დადგენილი პროცესუალური და მატერიალური კანონიერების დარღვევის თაობაზე.