დავით უსუფაშვილი - თუ მოქმედი დეპუტატი სასამართლომ დამნაშავედ ცნო, პარლამენტმა მისი უფლებამოსილების შეწყვეტის თაობაზე უნდა იმსჯელოს

პარლამენტის ყოფილი თავმჯდომარის, „შენების მოძრაობის“ ლიდერის, დავით უსუფაშვილის განცხადებით, საკანონმდებლო ორგანომ ოპოზიციონერი დეპუტატის, ნიკა მელიასთვის პარლამენტის წევრის უფლებამოსილების შეწყვეტის საკითხი „ყველა შემთხვევაში“ უნდა განიხილოს.

როგორც უსუფაშვილმა „ინტერპრესნიუსს“ განუცხადა, კონსტიტუციაში განმარტებულია, რომ თუ პარლამენტის წევრი სასამართლომ დამნაშავედ ცნო, ის დეპუტატი ვეღარ იქნება.

“კონსტიტუციაში წერია, რომ თუ პარლამენტის წევრი სასამართლოს მიერ ცნობილი იქნა დამნაშავედ, მაშინ შეუთავსებელია მისი პარლამენტის წევრობა. სასჯელს არ აქვს მნიშვნელობა, შეიძლება იყოს 8-წლიანი პატიმრობა, შეიძლება იყოს ჯარიმა, მაგრამ თუ დამნაშავედაა ცნობილი პარლამენტის მოქმედი წევრი, მაშინ პარლამენტმა მისი უფლებამოსილების შეწყვეტის თაობაზე უნდა იმსჯელოს“, - აღნიშნა უსუფაშვილმა.

შეგახსენებთ, რომ „ბანკი ქართუს“ გაკოტრების საქმეზე, „ნაციონალური მოძრაობის" ერთ-ერთი ლიდერი, ნიკა მელია ერთ ეპიზოდში გამართლდა, მეორე ეპიზოდში - სამსახურეობრივი უფლებამოსილების ბოროტად გამოყენებაში კი მის მიმართ გამამტყუნებელი განაჩენი იქნა მიღებული.

ნიკა მელიას 25 000 - ლარიანი ჯარიმა დაეკისრა. ასევე დამატებით სასჯელად 2 წლით და 3 თვის ვადით თანამდებობის დაკავების უფლება ჩამოერთვა.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 06.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
უპროცენტო განვადება და საჩუქარი მომხმარებელს - რას სთავაზობს კომპანია ,,ჯეო გლასი"
ბიზნეს-ცენტრი ატრიუმი - პრაქტიკული არჩევანი
„PSP ყველგან შენი ოჯახის გვერდით“ კამპანიის ფარგლებში ბრიტანული კონცეფციის აფთიაქი წყნეთში გაიხსნა
ტერაბანკი ბიზნესკლიენტებს საქმიანობის პოპულარიზაციაში დაეხმარება
ლიბერთი იპოთეკური სესხების სუბსიდირების სახელმწიფო პროგრამაში ჩაერთო