აშშ-ის სანქციების მიუხედავად, ირანი ნავთობის გაყიდვას აგრძელებს, - ამის შესახებ ირანის ვიცე-პრეზიდენტმა ესჰაქ ჯაჰანგირიმ ქვეყნის სახელმწიფო ტელევიზიასთან საუბრისას განაცხადა.

მისივე თქმით, ვაშინგტონის მიერ ირანის წინააღმდეგ განხორციელებული „მაქსიმალური ზეწოლა“ უშედეგო აღმოჩნდა.

„ამერიკის ზეწოლისა და მის მიერ ჩვენი ნავთობის ექსპორტზე დაკისრებული სანქციების მიუხედავად, კვლავ ვაგრძელებთ ნავთობის გაყიდვას სხვა საშუალებების გამოყენებით, მიუხედავად იმისა, რომ ჯარიმების შიშით ჩვენგან ნავთობის ყიდვა მეგობარმა ქვეყნებმაც კი შეაჩერეს,“ - აღნიშნა ჯაჰანგარიმ.