გიგა მაქარაშვილის ინფორმაციით, პოლიცია აქციის მონაწილეებს „ოცნების“ ოფისის ტერიტორიის დატოვებას ავტობუსებით სთავაზობს, თუმცა ისინი უარს აცხადებენ

მოძრაობა "სირცხვილიას" ერთ-ერთი ლიდერი, გიგა მაქარაშვილი აცხადებს, რომ მათთან პოლიციის წარმომადგენელი მივიდა და ტერიტორიის ყვითელი ავტობუსებით დატოვება შესთავაზა. მისი განცხადებით, ამაზე დათანხმებას არ აპირებენ.

მისივე თქმით, ირგვლივ „ქართული ოცნების“ ახალგაზრდული ფრთის წევრები დგანან და ელოდებიან, როდის დატოვებენ ისინი ტერიტორიას.

„ვიქნებით აქ ბოლომდე იმიტომ, რომ ერთხელ და სამუდამოდ ამ ქვეყანაში უნდა დადგეს პრეცედენტი, როცა პოლიცია დაიცავს და შეკრებისა და მანიფესტაციის უფლებას. ეს არის ჩვენი კონსტიტუციური უფლება და ამ უფლებას ბოლომდე დავიცავთ”, - განაცხადა მაქარაშვილმა.

მისივე ინფორმაციით, აქციაზე 5 ადამიანი დაშავდა, მათ შორის ერთი არასრულწლოვანია.

შეგახსენებთ, რომ "ქართული ოცნების" ოფისთან მოძრაობა "სირცხვილია" და "შეცვალე" "ქართული ოცნების" ოფისთან აქციას მართავს. აქციის პარალელურად, იქვე იმყოფებიან "ოცნების" ახალგაზრდული ფრთის წევრებიც. ადგილზე რამდენჯერმე მოხდა სიტყვიერი და ფიზიკური დაპირისპირება.

ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
“ნიუმედის”ლაბორატორიული განყოფილების ხელმძღვანელი - ჩვენ კლინიკაში ახალ ბენეფიციარებს კოვიდ 19-ის სწრაფი ტესტი უფასოდ უტარდებათ
ქართული პრესის მიმოხილვა 25.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
"სილქ როუდ ჯგუფის" განცხადება "საქანელას" პროექტის შესახებ