გია ვოლსკი - ოპოზიციის მიერ ეუთო-ს საარჩევნო სისტემის საკითხებში ჩართვის მცდელობა, დროის გაწელვისა და საზოგადოებაში უარყოფითი მუხტის შენარჩუნების მცდელობაა

„ოპოზიციის მხრიდან ეუთო/ოდირის საარჩევნო სისტემასთან დაკავშირებულ საკითხებში ჩართვის მცდელობა დროის გაწელვის, დეზინფორმაციის მიწოდების და საზოგადოებაში უარყოფითი მუხტის შენარჩუნების მცდელობაა“, - ამის შესახებ პარლამენტის პირველმა ვიცე-სპიკერმა გია ვოლსკიმ ჟურნალისტებს განუცხადა, რითაც გამოეხმაურა ოპოზიციის მიერ ე.წ. გერმანულ მოდელზე დაყრდნობით შემუშავებულ საარჩევნო სისტემის ახალ მოდელს, რომლის გადაგზავნასაც ეუთო/ოდირისთვის აპირებს.

ვოლსკის შეფასებით, ოპოზიციას სურს, რომ საკუთარ მხარდამჭერებში დაძაბულობის მუხტი შეინარჩუნოს. მისივე თქმით, ეუთო/ოდირი და ვენეციის კომისია არ არის ის სტრუქტურები, სადაც საარჩევნო სისტემის ცვლილებასთან დაკავშირებულ საკითხებს იხილავენ.

„ეუთო/ოდირი არაფერ შუაში არ არის იმ საკითხთან დაკავშირებით, რომელზეც ოპოზიცია აპირებს, რომ მიმართოს. ვირტუალურადაც რომ წარმოვიდგინოთ ასეთი საკითხის დასმა, ეგ იგივეა, რომ შეკითხვა დასვა: სამჯერ სამი ათია თუ არა, ან ორჯერ ორი ხუთია თუ არა. ოდირის ასეთ საკითხებში ჩართვის მცდელობა დროის გაწელვის, დეზინფორმაციის მიწოდების და საზოგადოებაში უარყოფითი მუხტის შენარჩუნების მცდელობაა. აქ რომ იყო, ვენეციის კომისიამაც აღნიშნა, რომ ეს არ არის მისი კომპეტენცია, როდესაც არსებობს საკონსტიტუციო სასამართლო. ნებისმიერი საკითხი, სპეკულაცია, ეუთო, ვენეციის კომისია - ყველაფერი იმიტომ კეთდება, რომ საზოგადოება, რომელთა შორისაც დაძაბულობის გარკვეულ მუხტს ინარჩუნებენ, არ დაიშალოს. ჩამოთვლილი სტრუქტურები არ არის ის ადგილი, სადაც ამ თემას იხილავენ. რომც დავუშვათ აბსურდი და მივიღოთ ეგ კანონი, შესაძლოა საკონსტიტუციო სასამართლომ მეორე დღეს გააუქმოს და უფრო მძიმე კრიზისში ჩავვარდეთ, ვიდრე დღეს ვიმყოფებით. ქვეყანა არ უნდა ჩააყენო ანტიკონსტიტუციურ სიტუაციაში. ამას სერიოზულად ცუდი პროცესები მოჰყვება,“ - განაცხადა გია ვოლსკიმ.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 06.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
უპროცენტო განვადება და საჩუქარი მომხმარებელს - რას სთავაზობს კომპანია ,,ჯეო გლასი"
ბიზნეს-ცენტრი ატრიუმი - პრაქტიკული არჩევანი
„PSP ყველგან შენი ოჯახის გვერდით“ კამპანიის ფარგლებში ბრიტანული კონცეფციის აფთიაქი წყნეთში გაიხსნა
ტერაბანკი ბიზნესკლიენტებს საქმიანობის პოპულარიზაციაში დაეხმარება
ლიბერთი იპოთეკური სესხების სუბსიდირების სახელმწიფო პროგრამაში ჩაერთო