გრძელვადიანი ბიუჯეტი – თბილისის მასშტაბური პროექტების დაცვა მმართველობის ცვლილებებისგან

თბილისისთვის უმნიშვნელოვანესი გრძელვადიანი პროექტები არა ერთწლიანი, არამედ ხუთწლიანი ბიუჯეტებით უნდა იყოს დაკანონებული, რათა დედაქალაქის მთავრობის ცვლილებით არ მოხდეს ამ პროექტებისადმი მიდგომის შეცვლაც.

ასეთი ინიციატივით „მენაშენთა ასიციაციის“ თავმჯდომარე ირაკლი როსტომაშვილი გამოდის, რომლის აზრით, დედაქალაქს მიმდინარე, ყოველწლიურ ბიუჯეტთან ერთად, გრძელვადიანი, თუნდაც 5–წლიანი ბიუჯეტიც უნდა ჰქონდეს.

დავუშვათ, დიდი მშენებლობა დაიწყო ამჟამინდელმა მერმა კახა კალაძემ, ან ავტობუსების პარკის განახლება, რომელიც მიმდინარეობს კიდეც. ეს პროექტი მოკლე ვადებში ვერ ჩაეტევა და იმ შემთხვევაში, თუ ქალაქი სხვა მერს აირჩევს, მისთვის სავალდებულო უნდა იყოს წინამორბედი ადმინისტრაციის მიერ დაწყებული პროექტების ბოლომდე მიყვანა. მსგავსი პროექტების დასრულების ვალდებულება სწორედ 5წლიანი ბიუჯეტებით უნდა იყოს დაკანონებული. არსებულ შემთხვევაში, როდესაც იცვლება დედაქალაქის ადმინისტრაცია, იცვლება მიმდინარე პროექტებისადმი მიდგომებიც. მაგალითად თბილისის შემოვლითი რკინიგზის პროექტი. პროექტი ცუდია თუ კარგი, ის დამტკიცებულია, თუმცა ახლა გაჩერებულია. ოდესმე რომ შეიცვალოს ხელისუფლება, მხოლოდ მაშინ უნდა განახლდეს ის პროექტი?, – ამბობს ირაკლი როსტომაშვილი.

„მენაშენეთა ასოციაციის“ თავმჯდომარეს მაგალითად „ჩინეთის დიდი კედელი“ მოაქვს: იმპერატორები სხვადასხვა დროს ერთმანეთთან უსასტიკეს ბრძოლებში იყვნენ ჩართული, მაგრამ 800 წლის განმავლობაში მუდმივად მიმდინარეობდა ჩინეთის კედლის მშენებლობა. ანუ, მნიშვნელობა არ ჰქონდა, ვინ იყო იმპერატორი, მთავარი იყო ის, რომ ჩინეთს ამ სტრატეგიული კედლის მშენებლობა სჭირდებოდა.

შესაბამისად, ირაკლი როსტომაშვილი დარწმუნებულია, რომ თბილისის სტრატეგიული პროექტები 5–წლიანი ბიუჯეტით უნდა იყოს დაკანონებული. ანუ, თბილისის ბიუჯეტი უნდა განისაზღვროს როგორც ერთი წლით, ისე, პირობითად, 5–წლიანი ვადით.

გრძელვადიანი ბიუჯეტი ერთგვარი მყარი პროგნოზია ბიზნესისთვისაც. მაგალითად, თუ ვიცი, რომ შემოვლითი რკინიგზა ამა და ამ ვადებში გაკეთდება, ესა თუ ის ზონები ჩემთვის საინტერესო ხდება. მაგრამ, მე რომ ამ ზონებში პროექტები დავიწყო და შემდეგ მოვიდეს სხვა მენეჯმენტი და პროექტი აღარ გააგრძელოს, ჩემი ბიზნესი კოლაფსისთვისაა განწირული, – განმარტავს ირაკლი როსტომაშვილი.

გარდა ამისა, გრძელვადიანი ბიუჯეტირების უპირატესობა ისიცაა, რომ საინვესტიციო გარემოს აუმჯობესებს. დღეს, ერთწლიანი ბიუჯეტების პირობებში, კომპანიების უმეტესობა ისეთ პროექტებს კიდებს ხელს, რომელთა დასრულებაც დედაქალაქის არსებული ადმინისტრაციის მმართველობის პერიოდშია შესაძლებელი. გრძელვადიან პროექტებში ინვესტირებას კი ყველა ერიდება, რაც ბაზარზე არასტაბილურობას ქმნის. შესაბამისად, მენაშენეების აზრით, აუცილებელია თბილისის განვითარების სტრატეგია როგორც ერთწლიანი, ისე გრძელვადიანი ბიუჯეტით დაკანონდეს.

(R)

ხათუნა ბურკაძე - გლობალური გამოწვევები გლობალურ ძალისხმევას მოითხოვს, თუმცა, სახელმწიფოებმა უფრო მეტი წინდახედულება უნდა გამოიჩინონ საკუთარი რესურსების  შესაქმნელად
ქართული პრესის მიმოხილვა 02.04.2020
ვალერი სოლოვეი - თუ დაავადებულთა აბსოლუტურ ციფრებს გავითვალისწინებთ, რუსეთი ევროპაში იტალიისა და ესპანეთის შემდეგ მესამე ადგილზეა
პლასტიკური ბარათი სასურველ ადგილას - ახალი სერვისი "ტერაბანკისგან"
aptiaqi.ge-მ „ავერსის“ პროდუქციის ონლაინ გაყიდვა დაიწყო
კომპანია „ნიკორა ტრეიდმა“ თანამშრომლების ტრანსპორტირებისთვის ყოველთვიურად 300 000 ლარი გამოყო
„ნატახტარის“ მწარმოებელი კომპანია „ეფეს საქართველო“ ახალი ვირუსის წინააღმდეგ ბრძოლის მხარდამჭერი პროგრამების განხორციელებისთვის 150 ათას ლარს გამოყოფს
"ლიბერთი" მომხმარებელზე ზრუნვას განაგრძობს
“ემბისიმ“  3-თვიანი საშეღავათო პერიოდით სარგებლობის მსურველთა ყველა განაცხადი დააკმაყოფილა.
"კერხერ-საქართველომ" ინფექციური პათოლოგიისა და შიდსის ცენტრს საჩუქრად "კერხერის" პროფესიონალური ორთქლის აპარატი გადასცა
KFC ექსკლუზიურად "ვოლტზეა"
"საქკაბელის" პროდუქციის შეძენა ვებ გვერდზე უკვე დისტანციურად არის შესაძლებელი
D ვიტამინის დეფიციტი და მწვავე რესპირატორული ვირუსული ინფექციები
"ვენდის" და "დანკინის" რესტორნები მუშაობის ახალ გრაფიკზე გადადის
სადაზღვევო კომპანია „ბენეფიტსი“ 5000 პსრ ტესტის ჩასატარებელ ნაკრებს ლუგარის კვლევით ცენტრს გადასცემს
„საქართველოს ბანკის“ მობილბანკი ფინანსური ოპერაციების შესრულებისას ნაკლებ ინტერნეტს მოიხმარს