დიმიტრი პესკოვი ზელიმხან ხანგოშვილის მკვლელობის საქმეზე - ჩვენ საქმის კურში არ ვართ

კრემლი არ ფლობს ინფორმაციას ბერლინში საქართველოს მოქალაქის მკვლელობის თაობაზე, - ამის შესახებ რუსეთის პრეზიდენტის პრეს-მდივანმა დიმიტრი პესკოვმა ჟურნალისტებს, ბერლინში, საქართველოს მოქალაქის, ზელიმხან ხანგოშვილის მკვლელობის საქმეზე კომენტირებისას განუცხადა.

„არანაირი პასუხი არ მაქვს. ჩვენ მომხდართან დაკავშირებით საქმის კურში არ ვართ. გამოძიება ტარდება გერმანიაში და მე სათქმელი არაფერი მაქვს - ჩვენ არანაირ ინფორმაციას არ ვფლობთ“,-განაცხადა პესკოვმა.

შეგახსენებთ, საერთაშორისო მედიის ცნობით, გერმანიაში მიიჩნევენ, რომ ზელიმხან ხანგოშვილის მკვლელობაში, რუსული დაზვერვა იყო ჩართული. მათი ცნობით, ფაქტის დადასტურების შემთხვევაში, ბერლინმა, შესაძლოა მოსკოვს სანქციები დაუწესოს.