ნარკოტიკების შეძენა-შენახვის ბრალდებით დაკავებულ ბერს ექიმის დახმარება დასჭირდა. ამის შესახებ ,,ინტერპრესნიუსს” მისმა ადვოკატმა ჯიტა გულუამ განუცხადა. მისი თქმით, ახლა ფოთის წინასწარი დაკავების იზოლატორში ბერთან ექიმი იმყოფება.

,,ახლა სვიმეონ ქავთარაძესთან ექიმი იმყოფება, ცუდად გრძნობს თავს, სხვა მეტი არაფერი ვიცი“ , - განაცხადა ჯიტა გულუამ.

შეგახსენებთ, რომ ზუგდიდში ნარკოდანაშაულისთვის ორი ადამიანი, მათ შორის სასულიერო პირი დააკავეს. ბერ-მონაზონს ბრალი დღეს ოფიციალურად, ფოთის წინასწარი დაკავების იზოლატორში წარუდგინეს.