დავით უსუფაშვილი - ჩვენ ვთავაზობთ მრავალმაჟორიტარიან საპარლამენტო ოლქებს - შემდეგ შეხვედრაზე ხელისუფლება მოვა პასუხებით

“შენების მოძრაობის” ლიდერის, დავით უსუფაშვილის განცხადებით, ხელისუფლებისა და ოპოზიციის დღევანდელ 73 მაჟორიტარული მანდატის განაწილებისა და არჩევის წესზე ისაუბრეს, თუმცა “ხელისუფლება ამ საკითხზეც ვერ არის ჩამოყალიბებული”.

როგორც დავით უსუფაშვილმა ხელისუფლების წარმომადგენლებთან შეხვედრის შემდეგ ჟურნალისტებს განუცხადა, მომდევნო შეხვედრაზე ხელისუფლება აღნიშნულ საკითხზე პასუხებით უნდა მივიდეს.

“საუბარი გაგრძელდა კრიზისიდან გამოსვლის გზებზე, წინა შეხვედრა ძირითადად დაეთმო ე.წ. გერმანული მოდელის პროპორციული ნაწილის კონსტიტუციურობას, რომლის თაობაზეც ჩვენ, ცხადია, ვერ შევთანხმდით. ამიტომ დოკუმენტი გაიგზავნება ხვალ ვენაში, შემდეგ ვარშავაში. დღეს გაგრძელდა საუბარი მოთავაზების სხვა კომპონენტებზე. კერძოდ, 73 მაჟორიტარული მანდატის განაწილებისა და არჩევის წესზე. ამ თემებზე გვქონდა ურთიერთგაცვლა, თუმცა ხელისუფლება ამ საკითხზეც ვერ არის ჩამოყალიბებული. ჩვენ ვთავაზობთ მრავალმაჟორიტარიან საპარლამენტო ოლქებს, სადაც ამომრჩეველს ერთი ხმა აქვს და ა.შ. სწორედ ამ საკითხზე, რაც ჩვენს შეტანილ კანონპროექტში წერია, მაჟორიტარულ ნაწილში, შემდეგ შეხვედრაზე ხელისუფლება მოვა პასუხებით. ჩვენ ღია ვართ მოვისმინოთ რამე იმ ვითარების უკეთეს მოგვარებასთან დაკავშირებით, რაც შექმნილია ქვეყანაში. დღეს ხელისუფლებს ახალი პოზიცია არაფერი წარმოუდგენია”,- განაცხადა უსუფაშვილმა.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ