შეხვედრის ბოლოს ვიგრძენი, რომ რასაც მივაღწიეთ, იყო უფრო ღრმა გაგება იმისა, თუ როგორ გაგრძელდებოდა ეს დისკუსია მომავალში, რაც ძალიან მნიშვნელოვანია,-ამის შესახებ ჟურნალისტებს ევროკავშირის ელჩმა საქართველოში, კარლ ჰარცელმა ხელისუფლებისა და ოპოზიციის წარმომადგენლებს შორის გამართული შეხვედრის დასრულების შემდეგ განუცხადა.

კარლ ჰარცელის თქმით, დიალოგით და ნაბიჯ-ნაბიჯ პროგრესით არსებობს ნამდვილი შანსი „იმ უფსკრულის გარღვევის, რომელიც ყველამ ვიცით“.

„როგორც შეხვედრამდე განვაცხადე, უზომოდ ვაფასებ , რომ გვაქვს დიალოგი რომელიც მეორე რაუნდის ქონით პროცესში იზრდება. გეტყვით, რომ დისკუსია დღეს არ იყო ყოველთვის ადვილი, მაგრამ შეხვედრის ბოლოს ვიგრძენი, რომ რასაც მივაღწიეთ, იყო უფრო ღრმა გაგება იმისა, თუ როგორ გაგრძელდებოდა ეს დისკუსია მომავალში, რაც ძალიან მნიშვნელოვანია. ნათელია, რომ ორივე მხარის მხრიდან არსებობს ინიციატივა, რომ ეს დიალოგი გაგრძელდეს. ჩემი აზრით, დიალოგით და ნაბიჯ-ნაბიჯ პროგრესით არსებობს ნამდვილი შანსი იმ უფსკრულის გარღვევის, რომელიც ყველამ ვიცით. ვფიქრობ, რომ დღეს ორივე მხრიდან დავინახეთ კონსტრუქციული დიალოგის გაგრძელების სურვილი,“ - განაცხადა კარლ ჰარცელმა.