იუსტიციის უმაღლეს სკოლაში, "საქართველოს ქალ მოსამართლეთა ასოციაციის" გამგეობის წევრებსა და საერთაშორისო დონორი ორგანიზაციების წარმომადგენლებს შორის შეხვედრა გაიმართა
საქართველოს იუსტიციის უმაღლეს სკოლაში, "საქართველოს ქალ მოსამართლეთა ასოციაციის" გამგეობის წევრებსა და საერთაშორისო დონორი ორგანიზაციების წარმომადგენლებს შორის შეხვედრა გაიმართა. ამის შესახებ „ინტერპრესნიუსს“ „საქართველოს ქალ მოსამართლეთა ასოციაციიდან“ აცნობეს.
მათივე ინფორმაციით, შეხვედრას ესწრებოდნენ სოფიო წაქაძე - პროექტის "სასამართლო რეფორმის მხარდაჭერა საქართველოში“ წარმომადგენელი, გიორგი ჩხეიძე -(USAID/PROLoG) პროექტის ხელმძღვანელი, მაია ჩოჩუა-ევროკავშირის სასამართლოს მხარდაჭერის პროექტის ხელმძღვანელი, ეკატერინე ფოფხაძე-მერიკის შეერთებული შტატების საელჩოს იუსტიციის დეპარტამენტის წარმომადგენლი, ინგა თორდია - მართლმსაჯულების პოლიტიკისა და კანონმდებლობის რეფორმის მიმართულების PROLoG-ის პროექტის ხელმძღვანელი.
მხარეებმა მიმოიხილეს ორმხრივი თანამშრომლობის საკითხები და დასახეს ურთიერთობის სამომავლო გეგმები. საუბარი შეეხო ასევე საერთაშორისო დონორი ორგანიზაციების ჩართულობას, ასოციაციის წინაშე არსებული გამოწვევების დაძლევას და შემდგომ განვითარებას.
v-if="article.gallery" v-html="article.gallery"
