ჩრდილოეთ კორეა დონალდ ტრამპზე - ჩვენ მას მხოლოდ უუნაროს ვერ ვუწოდებთ, ის უგუნური, ექსცენტრიული ბებერია

„ალ ჯაზირას“ ცნობით, ჩრდილოეთ კორეამ ამერიკის შეერთებული შტატების პრეზიდენტის მისამართით შეურაცხყოფების სერია განაახლა და ამჯერად მას „უგუნური, ექსცენტრიული ბებერი“ უწოდა.

კიმ იონგ ჩოლმა, რომელიც ჩრდილოეთ კორეის მმართველი პარტიის ვიცე-პრეზიდენტია, კომენტარი გააკეთა დონალდ ტრამპის განცხადებაზე, რომლის მიხედვითაც ამერიკის პრეზიდენტმა თქვა, რომ კიმ ჩემ ინი „ბევრს დაკარგავს“.

„მოვიდა დრო, როცა ჩვენ მას მხოლოდ უუნაროს ვერ დავუძახებთ. ის უგუნური, ექსცენტრიული ბებერია“,-განაცხადა კიმ იონგ ჩოლმა.

ნატო-ს ლონდონის სამიტზე დონალდ ტრამპმა განაცხადა, რომ მან კიმ ჩენ ინს „კაცი რაკეტა“ შეარქვა. მოგვიანებით, ფხენიანმა აღნიშნა, რომ თუ ამერიკის პრეზიდენტი განაგრძობდა თავიანთი უმაღლესი ლიდერისადმი „არამართებული, რისკის შემცველი გამონათქვამების“ გაკეთებას, ისინი დონალდ ტრამპს „უუნაროდ“ მოიხსენიებდნენ.