საფრანგეთის დედაქალაქ პარიზში ნორმანდიული ოთხეულის სამიტი დაიწყო. შეხვედრაში საფრანგეთის პრეზიდენტი ემანუელ მაკრონი, გერმანიის კანცლერი ანგელა მერკელი, რუსეთის პრეზიდენტი ვლადიმერ პუტინი და უკრაინის პრეზიდენტი ვლადიმერ ზელენსკი მონაწილეობენ.
აღსანიშნავია, რომ 2016 წლის შემდეგ ეს ნორმანდიული ოთხეულის პირველი სამიტია. ლიდერები მოლაპარაკებებს ელისეის სასახლეში გამართავენ. ამასთანავე დაგეგმილია პირისპირი მოლაპარაკებები რუსეთისა და უკრაინის პრეზიდენტებს შორის, რაც მათი პირველი შეხვედრა იქნება. აქამდე მათ შორის მხოლოდ რამდენიმე სატელეფონო საუბარი შედგა. უკრაინისა და რუსეთის პრეზიდენტების შეხვედრის უმთავრესი თემა უკრაინის აღმოსავლეთ ნაწილში არსებული სიტუაცია იქნება.
შეგახსენებთ, რომ აღმოსავლეთ უკრაინაში შეიარაღებული კონფლიქტი 2014 წელს დაიწყო, რომელსაც დღემდე 14,000 ადამიანის სიცოცხლე ემსხვერპლა.