გია ვოლსკი - საშიშია ცრუ ინფორმაცია, რომელიც ჩვენგან უცხოელებს მიეწოდება

„კრიზისი ნამდვილად არის პარტიათაშორის ურთიერთობაში, ეს კრიზისი ჩვენ არ გამოგვიწვევია და რომ არა ეს კრიზისი, ჩვენ ახლა არ გვექნებოდა სათუო საკითხი არჩევნების სისტემასთან დაკავშირებით“, - ეს განცხადება პარლამენტის პირველმა ვიცე-სპიკერმა გია ვოლსკიმ პლენარულ სხდომაზე გააკეთა. მისივე თქმით, ოპოზიციის მხრიდან გავრცელებული ცრუ ინფორმაცია უფრო აზიანებს ქვეყანას, ვიდრე „ფეიკ ნიუსები“ რომელსაც რუსეთი ავრცელებს.

“დესტრუქცია, რომელიც მივიღეთ 24 ივნისის ჩვენი განცხადების საპასუხოდ არის ის, რაც ქვეყანას დაანგრევს და ძირს გამოუთხრის მის სტაბილურობას, სტაბილურობა საჭიროა ისეთი საგანგებო თემებისთვის, როგორიც არის სატრანზიტო გზები და ენერგორესურსების მოძრაობა კასპიის რეგიონიდან ევროპის რეგიონში, საგანგებო თემაა ჩვენი უსაფრთხოებისათვის და სტაბილურობისათვის და ამას გარედან ემატება დიდი, უშველებელი დოზით დეზინფორმაცია „ ფეიკ ინფორმეიშენს“ რასაც თვითონ გაჰყვირიან. რუსების რომელი „ფეიკ“ ინფორმაცია დაგვაზიანებს?! რა, არ ვიცით, რომ ოკუპირებული აქვთ ტერიტორია და ხალხს იტაცებენ, თუნდაც გაფრინდაშვილის მაგალითი ავიღოთ?! საშიში არის ინფორმაცია, რომელიც ჩვენგან უცხოელებს მიეწოდებათ. 85 პოლიტპატიმარი ყოფილა თურმე, არადა 20 ივნისს დაკავებული 19 პირიდან მხოლოდ 4-ს აქვს წინასწარი პატიმრობა და მხოლოდ ერთს აქვს მისჯილი, რომელიც დაკავშირებული იყო ე.წ. მოლოტოვის კოქტეილების თემასთან. არასწორი ინფორმაციებია, რომლებიც ვრცელდება თუნდაც ჩვენზე, დეპუტატებზე, ვითარებაზე... კრიზისიაო ქვეყანაში, კრიზისი ნამდვილად არის პარტიათაშორის ურთიერთობაში, ეს კრიზისი ჩვენ არ გამოგვიწვევია და რომ არა ეს კრიზისი, ჩვენ ახლა არ გვექნებოდა სათუო საკითხი არჩევნების სისტემასთან დაკავშირებით, კრიზისი შეიქმნა უტიფარი განცხადებებით და არა მხოლოდ ხეპრული გამოსვლებით, არამედ მოქმედებებითაც”, - განაცხადა ვოლსკიმ.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 09.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას