„საქსტატმა“ IOS სისტემის მქონე მოწყობილობებისთვის ინფორმაციის გავრცელების ახალი აპლიკაცია შექმნა
საქართველოს სტატისტიკის ეროვნულმა სამსახურმა iOS სისტემის მქონე მოწყობილობებისთვის ინფორმაციის გავრცელების ახალი აპლიკაცია შექმნა, რომელიც მომხმარებელს საშუალებას აძლევს, მობილური მოწყობილობის მეშვეობით მიიღოს მრავალფეროვანი სტატისტიკური ინფორმაცია, გაეცნოს საქსტატის სიახლეებს და გადმოწეროს სტატისტიკური ინფოგრაფიკები, ასევე, თვალი ადევნოს საქსტატის აქტივობას სოციალურ ქსელებში: Facebook, Twitter და Youtube არხების მეშვეობით.
„საქსტატის“ ინფორმაციით, აპლიკაციას გააჩნია თანამედროვე და მომხმარებელზე მორგებული დიზაინი. მისი მეშვეობით, საქსტატში მიმდინარე მოვლენებზე საზოგადოება და სტატისტიკური ინფორმაციის მომხმარებლები განახლებულ და მრავალფეროვან ინფორმაციას მიიღებენ.აღნიშნული აპლიკაცია შეიქმნა საქსტატის მიერ, საერთაშორისო ორგანიზაცია „UN Women”-ის ტექნიკური მხარდაჭერით.
აპლიკაციის ჩამოტვირთვა შესაძლებელია Apple App Store-დან: https://apps.apple.com/…/geostat-web-applicat…/id1483078292…
v-if="article.gallery" v-html="article.gallery"
