სულ მცირე 10 ავღანელი ჯარისკაცი დაიღუპა „თალიბანის“ მიერ ჰელმანდის პროვინციაში განხორციელებული თავდასხმის შედეგად.

მედიის ცნობით, თალიბანმა ბაზის მიმართულებით გვირაბი გათხარა, რომელშიც ასაფეთქებელი მოწყობილობები დაამონტაჟეს. ნავაბ ზარდანის თქმით, რომელიც ავღანეთის ჯარების წარმომადგენელია, ბაზაზე თავდასხმის დროს 18 ჯარისკაცი იმყოფებოდა. ოთხი მათგანი მძიმედაა დაჭრილი.

შეგახსენებთ, ბოლო პერიოდში, „თალიბანმა“ ავღანეთში თავდასხმები გააქტიურა. ორშაბათს კუნდუს პროვინციაში მომხდარი შეტევის დროს ერთი ამერიკელი სამხედრო დაიღუპა. სამშაბათს კი ბალხის პროვინციაში მომხდარი თავდასხმას 7 ავღანელი ჯარისკაცი ემსხვერპლა.