ვაჟა გაფრინდაშვილი - შეწყალების წერილში მიწერია, რომ დამაკავეს ტერიტორიაზე რუსებმა - გთხოვთ გამათავისუფლოთ

შეწყალების წერილში მიწერია, რომ დამაკავეს ტერიტორიაზე რუსებმა, მომისაჯეს ამდენი და გთხოვთ გამათავისუფლოთ,-ამის შესახებ საოკუპაციო რეჟიმის უკანონო პატიმრობიდან გათავისუფლებულმა ვაჟა გაფრინდაშვილმა განაცხადა,რითაც უპასუხა კითხვას , თუ რა დაწერა შეწყალების წერილში, რომლითაც ე.წ პრეზიდენტს, ანატოლი ბიბილოვს მიმართა.

მისი თქმით, მას შესთავაზეს, რომ წერილი ისე დაეწერა, სადაც არ გამოჩნდებო, რომ ის ბრალს აღიარებს.

"როდესაც შეწყალებაზე იყო ლაპარაკი, ვინც შემომთავაზა, მე იმას ვუთხარი, რომ რადგან მე ბრალდებას არ ვაღიარებ.(როგორც ჩემთვის არის ცნობილი შეწყალება, რომ გაგიკეთონ, შენ ბრალი უნდა აღიარო) თვითონ მანვე შემომთავაზა, მოდი ისე დავწეროთ, სადაც არ ჩანს, რომ თქვენ აღიარებთ ამ საზღვრის დარღვევას. მე იმ წერილში მიწერია, რომ დამაკავეს ტერიტორიაზე რუსებმა, მომისაჯეს ამდენი და გთხოვთ გამათავისუფლოთ“,-აცხადებს გაფრინდაშვილი.

ვაჟა გაფრინდაშვილი მიიჩნევს, რომ მისი დაპატიმრება, წელიწადისა და 9 თვის განმავლობაში პატიმრობის მისჯა განპირობებული იყო "არა იმდენად მისი ქმედებით, რამდენადაც იმით რასაც ამბობდა".

ვაჟა გაფრინდაშვილმა პრესკონფერენციაზე დაკავებისა და პატიმრობაში ყოფნის დეტალებიც გაიხსენა და აღნიშნა, რომ ე.წ კარცერში ყოფნაც უწევდა.

„პირველი 4 დღე ვიყავით მესაზღვრეების კაპეზეზე, თუ რაც ქვია არ ვიცი. 3 საწოლიან ოთახში ვიყავით 4. ამიტომაც გვიწევდა, 2 ჩავდიოდით ქვევით, ე.წ კარცერი იყო, ალბათ, ფანჯრების გარეშე. სამი დღე იქ ვიყავით. მერე ვიყავი იზოლატორში 2 დღე და სასამართლოს მერე წინასწარი დაკავების განყოფილებაში. ერთადგილიანში ვიყავი, მარტო გამოვყავდი სასეირნოდ. დამოკიდებულება ჩემდამი და სხვა დაკავებული ქართველების მიმართ იყო ნორმალური, ჩვეულებრივი. სამწუხაროდ, მე გამოცდილება არ მაქვს სხვა დაკავების ადგილებში რა ხდება. არავითარი განსაკუთრებული ზეწოლა და ცუდი დამოკიდებულება მე იქ არ დამინახავს. თვითონ ადგილობრივებისგან, დაცვის თანამშრომელი იყო, თუ ვინც იყო აბსოლუტურად არავითარი აგრესია და ცუდი დამოკიდებულება არ იყო“, - განაცხადა ვაჟა გაფრინდაშვილმა.

იხილეთ ვიდეო

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი