იემენის ქალაქ ელ-დალიაში სამხედრო აღლუმის დროს აფეთქება მოხდა. ამ ინფორმაციას „როიტერსი“ ავრცელებს. გამოცემის ცნობით, აფეთქებას 9 ადამიანი ემსხვერპლა.
შემთხვევის ადგილზე მყოფმა 30-მდე ადამიანმა სხეულის დაზიანება მიიღო. მედიის ინფორმაციით, თავდასხმა უპილოტო საფრენი აპარატით განხორციელდა, რომელზეც ასაფეთქებელი იყო განთავსებული. მომხდართან დაკავშირებით პასუხისმგებლობა არც ერთ დაჯგუფებას არ აუღია.