არჩილ თალაკვაძე ჟურნალისტს - გირჩევთ, ობიექტურად გააშუქოთ ის საქმეები, რასაც ივანიშვილი ახორციელებს, მას საქართველოსთვის 3 მილიარდზე მეტი აქვს დახარჯული
გირჩევთ, ობიექტურად გააშუქოთ ის საქმეები, რასაც ბიძინა ივანიშვილი ახორციელებს, - ასე უპასუხა პარლამენტის თავმჯდომარე არჩილ თალაკვაძემ ჟურნალისტის კითხვას, განათლების მინისტრის მსგავსად, ისიც ფიქრობს თუ არა, რომ ბიძინა ივანიშვილი თანამედროვეობის ექვთიმე თაყაიშვილია. თალაკვაძის განცხადებით, ივანიშვილს საქართველოსთვის 3 მილიარდ ლარზე მეტი აქვს დახარჯული.
„გირჩევთ, ობიექტურად გააშუქოთ ის საქმეები, რასაც ბიძინა ივანიშვილი ახორციელებს. მას საქართველოსთვის 3 მილიარდზე მეტი აქვს დახარჯული: საუნივერსიტეტო პროექტები, ეკლესია-მონასტრებისა და კულტურული ძეგლების აღდგენა, ინდუსტრიული და ტურისტული პროექტები, ინფრასტრუქტურა... გირჩევთ, რომ სპეკულაციების ნაცვლად, ეს პროექტები გააშუქოთ. მისამართებს გამოგიგზავნით“, - მიმართა არჩილ თალაკვაძემ ერთ-ერთ ჟურნალისტს.
v-if="article.gallery" v-html="article.gallery"
