ავსტრალიის სამხედრო ფლოტმა სანაპიროებიდან ათასობით ადამიანის ევაკუირება დაიწყო

ავსტრალიის სამხედრო ფლოტმა იმ ათასობით ადამიანის ევაკუირება დაიწყო, რომლებიც ხანძრის გამო სანაპიროებს აფარებენ თავს, - ამის შესახებ ინფორმაციას „როიტერსი“ ავრცელებს.

ავსტრალიელი პარლამენტარი დარენ ჩესტერი „ტვიტერში“ წერს, რომ საზღვაო ძალების ხომალდის HMAS Choules-ის საშუალებით ქალაქ მალაკუტას სანაპიროებიდან 4000 ადამიანიდან 1000 ადამიანის ევაკუირება დაიწყო.

ადგილობრივი ხელისუფლების ინფორმაციით, იმის გამო, რომ ქალაქში მისასვლელი ყველა სახმელეთო გზა ჩაკეტილია, საზღვაო და საჰაერო ტრანსპორტი ქალაქის დატოვების ერთადერთ გზად რჩება.

ბოლო მონაცემებით, ტყის ხანძარის შედეგად ქვეყანაში 4 მილიონ ჰექტარი ტერიტორია დაიწვა და 1000-ზე მეტი სახლი განადგურდა. ახალი სამხრეთ უელსისა ვიქტორიას შტატებში მიმდინარე კვირის განმავლობაში სტიქიას 10 ადამიანის სიცოცხლე ემსხვერპლა. გარდა ამისა, ვიქტორიას შტატში ამ დროისთვის 28 ადამიანი დაკარგულად ითვლება. ახალი სამხრეთ უელსის შტატის სახანძრო სამსახურის ინფორმაციით, შტატში ხანძრის 127 კერა ფიქსირდება.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)