საქართველოს კათოლიკოს- პატრიარქის დაბადების დღის აღსანიშნავად საპატრიარქოში საზეიმო მიღება გაიმართა. ილია მეორეს დაბადების დღე პოლიტიკოსებმა, ხელოვანებმა და საზოგადოებისთვის ცნობილმა სახეებმა მიულოცეს.
პატრიარქს დაბადების დღე მიულოცეს პრეზიდენტმა სალომე ზურაბიშვილმა, პარტია "ქართული ოცნების" თავმჯდომარე ბიძინა ივანიშვილმა, თავდაცვის მინისტრმა ირაკლი ღარიბაშვილმა, მსახიობმა კახი კავსაძემ, მომღერლებმა, სამეფო ოჯახის წარმომადგენლებმა და სხვა საზოგადო მოღვაწეებმა.
დღეს სრულიად საქართველოს კათოლიკოს-პატრიარქს, უწმინდესსა და უნეტარეს ილია მეორეს 87 წელი შეუსრულდა. ილია მეორე, ერისკაცობაში ირაკლი შიოლაშვილი 1933 წლის 4 იანვარს ვლადიკავკაზში დაიბადა. 25 დეკემბერს სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის, ილია მეორის ინტრონიზაციიდან 42-ე წლისთავი აღინიშნა.