ირანის საგარეო საქმეთა მინისტრი - აშშ ვერ იტყვის, რომ ათასობით მილის დაშორებით ამერიკას იცავს

ირანის საგარეო საქმეთა მინისტრმა, ჯავად ზარიფმა CNN-ს ექსკლუზიური ინტერვიუ მისცა, რომლის დროსაც აშშ-ის პრეზიდენტი, დონალდ ტრამპი და მისი პოლიტიკა გააკრიტიკა. მისი თქმით, ირანი საკუთარ ტერიტორიას და ხალხს დაიცავს.

„ჩვენ დავიცავთ ჩვენს ტერიტორიას და ჩვენს ხალხს. შეერთებულ შტატებს შეუძლია თავისი ქვეყანა დაიცვას, მაგრამ ის ვერ იტყვის, რომ ათასობით მილის დაშორებით ამერიკას იცავს“,-განაცხადა ზარიფმა.

მისივე თქმით, რეგიონში ირანს დიდი მხარდაჭერა აქვს.

„ჩვენ გვყავს ადამიანები, რომლებიც ჩვენს მხარეს არიან ამ რეგიონში. ლამაზი სამხედრო აღჭურვილობა ვერ მართავს მსოფლიოს. მსოფლიოს ადამიანები მართავენ. პრეზიდენტმა ტრამპმა უნდა გაიღვიძოს იმ რეალობაში, რომ ადამიანები ამ რეგიონში განრისხებული არიან. მათ სურთ ამერიკა გავიდეს რეგიონიდან. ჩვენ აქ ვართ და არსად წავალთ. ჩვენ აქ ვიყავით ათწლეულების მანძილზე, ამერიკელები კი ახალმოსულები არიან“,-განაცხადა ზარიფმა ინტერვიუში.

ჯავად ზარიფმა პრეზიდენტი ტრამპი იმ განცხადების გამოც გააკრიტიკა, როცა აშშ-ის ლიდერმა განაცხადა, რომ ამერიკელები, ყასემ სოლეიმანის სიკვდილის შემდეგ უფრო უსაფრთხოდ არიან.

„ამერიკა ახლა უფრო უსაფრთხოდაა? ამერიკელები უფრო დაცულად გრძნობენ თავს? რას გრძნობენ როცა ამ ხალხის შეძახილებს უსმენენ?“-განაცხადა ზარიფმა.

შეგახსენებთ, ამერიკასა და ირანს შორის ურთიერთობები განსაკუთრებით მას შემდეგ დაიძაბა, რაც 3 იანვარს, აშშ-მა ერაყის დედაქალაქის აეროპორტზე თავდასხმა განახორციელა, რა დროსაც, სხვა სამხედრო მეთაურებთან ერთად, ირანელი გენერალი, „ყუდსის ძალების“ ხელმძღვანელი ყასემ სოლეიმანი დაიღუპა.

ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო