საქალაქო სასამართლოში 20 ივნისის საქმეზე დაკავებული ბესიკ თამლიანის, ზურაბ ბუდაღაშვილის და კიდევ ორი პირის პროცესი მიმდინარეობს

თბილისის საქალაქო სასამართლოში 20 ივნისის საქმეზე დაკავებულების: ბესიკ თამლიანის, ზურაბ ბუდაღაშვილის, ცოტნე სოსელიასა და კახაბერ კუპრეიშვილის სასამართლო პროცესი მიმდინარეობს.

დღევანდელ პროცესზე ბრალდების მხარის ორი მოწმე დაიკითხება. როგორც სხდომის დაწყებამდე ჟურნალისტებს ადვოკატმა ვახტანგ იაშვილმა განუცხადა, დაკავებულების მიმართ პოლიტიკური დევნა მიმდინარეობს.

„დღეს ბრალდების მხარე, როგორც ყოველთვის, წარმოგვიდგენს რამდენიმე მოწმეს, რომლებიც არ იქნება გასაკვირი, თუ ვიტყვით, რომ არიან პოლიციელები, დაინტერესებული მხარე. ჩვეულებრივი თეატრალური წარმოდგენაა, უბრალოდ კომედიურ-ტრაგიკული ჟანრიდან, ამ ბიჭების მიმართ პოლიტიკური დევნა მიმდინარეობს, რომლებსაც წესით ჩვენ უნდა დავუფასოთ მცდელობა და მონდომება, დაეცვათ ჩვენი ქვეყნის ღირსება. ვერ დავარქმევ ამ პროცესს სამართლებრივს და მითუმეტეს სამართლიანს", - განაცხადა ადვოკატმა.

მისივე ინფორმაციით, დღევანდელ პროცესს ბესიკ თამლიანი, პროტესტის ნიშნად, არ დაესწრება. ადვოკატის განცხადებით, თამლიანი მის მიმართ პოლიტიკურ დევნას აპროტესტებს. მისივე თქმით, საქმეზე 20-ზე მეტი მოწმე დაიკითხა, რომელთაც პატიმრებთან არანაირი შემხებლობა არ აქვთ და მათ დანაშაულს ვერ ამტკიცებენ.

იხილეთ ვიდეო

დიმიტრი შველიძე -  ხელისუფლების მთავარი თავის ტკივილი „ნაცმოძრაობაა“,  ამ ფონზე, მისთვის შეიძლება უფრო მისაღები იყოს „ევროპული საქართველო“
ქართული პრესის მიმოხილვა 12.08.2020
სევრის ხელშეკრულების 100 წლისთავი
ამერიკული სტეიკების ფესტივალი ბათუმში
“დიდი სიყვარულის დასაწყისი” - Wolt ქუთაისშია!
„მოედანი“ - პროექტი, რომელიც ავლაბარს ახალ სიცოცხლეს შესძენს
ამერიკული სტეიკის მასტერკლასი ბათუმში