თბილისში, მიკროავტობუსისა და ავტომობილის შეჯახების შედეგად 4 ადამიანი დაშავდა
თბილისში, ჯავახიშვილის ქუჩაზე, მიკროავტობუსი და მსუბუქი ავტომობილი ერთმანეთს შეეჯახა. როგორც „ინტერპრესნიუსს“ შინაგან საქმეთა სამინისტროში განუცხადეს, შეჯახების გამო, მიკროავტობუსის მძღოლმა საჭე ვერ დაიმორჩილა და ხეს შეეჯახა.
შემთხვევის შედეგად 4 ადამიანი დაშავდა. გამოძიება სსკ-ს 276-ე მუხლით მიმდინარეობს, რაც ტრანსპორტის მოძრაობის უსაფრთხოებისა და ექსპლუატაციის წესის დარღვევას გულისხმობს.
