აშშ-ში ზამთრის შტორმისგან გამოწვეულ თოვლს, წვიმასა და სეტყვას სულ მცირე 10 ადამიანის სიცოცხლე ემსხვერპლა, - ამის შესახებ ინფორმაციას „როიტერსი“ ავრცელებს.

გავრცელებული ინფორმაციით, სტიქიის გამო გადაიდო 1 000 ავიარეისი.

ალაბამას, მისისიპის, კენტუკის, ტენესისა და არკანზასის შტატებში 257,000 სახლი და ბიზნეს დაწესებულება ელექტროენერგიის გარეშეა დარჩენილი.

ეროვნული მეტეოროლოგიური სამსახურის ცნობით, 18 მილიონი ადამიანი ლუიზიანაში, არკანზასში, ტექსასსა და ოკლაჰომაში ტორნადოსა და წყალდიდობის საფრთხის წინაშე დგანან.