ქვეყანაში მიმდინარე საპროტესტო აქციების ფონზე საფრანგეთის ხელისუფლებამ საპენსიო ასაკის გაზრდაზე შესაძლოა, დროებით უარი თქვას. ამის შესახებ საფრანგეთის პრემიერ-მინისტრმა ედუარდ ფილიპსმა განაცხადა. პრემიერის განცხადებას პარიზსა და საფრანგეთის დიდ ქალაქებში გამართული საპროტესტო აქციები უძღოდა. პარიზში პოლიციამ აქციის დაშლა ცრემლსადენი გაზის გამოყენებით სცადა, რასაც დემონსტრანტებსა და სამართალდამცავებს შორის დაპირისპირება მოჰყვა.
შეგახსენებთ, რომ საფრანგეთში საპენსიო რეფორმასთან დაკავშირებით აქციები გასული წლის დეკემბერში დაიწყო. საფრანგეთის პრეზიდენტის, ემანუელ მაკრონის ინიციატივით საპენსიო ასაკი 62-დან 64-მდე გაიზარდა. ამასთანავე გაუქმდა კანონი, რომელიც გარკვეული პროფესიის ადამიანებს პენსიაზე ვადაზე ადრე გასვლის საშუალებას აძლევდა.