საქართველოს პირველი პრეზიდენტის შვილი, ცოტნე გამსახურდია ორი კვირის განმავლობაში დაცვითი ნარკოზის ქვეშ უნდა იყოს, - ამის შესახებ „ინტერპრესნიუსს“ ცოტნე გამსახურდიას მეუღლემ, ანა ჯაბაურმა განუცხადა.

ჯაბაურის ინფორმაციით, გამსახურდიას ჯანმრთელობის მდგომარეობა ამ დროისთვის სტაბილურია.

შეგახსენებთ, რომ ცოტნე გამსახურდია ორ კვირაზე მეტია თურქეთის კლინიკაში იმყოფება. საქართველოდან გადაყვანის შემდეგ, მას საზღვარგარეთ ქირურგიული ოპერაცია აღარ ჩატარებია.

ცოტნე გამსახურდია 19 დეკემბერს დაჭრეს. მას თავდაპირველად, ხეჩინაშვილის კლინიკაში მკურნალობდნენ. მისი დაჭრის ფაქტზე 4 პირია დაკავებული.