ფილიპინებზე ვულკან „ტაალის“ ამოფრქვევის შედეგად დიდი რაოდენობის ფერფლი წარმოიქმნა, რის გამოც ხელისუფლებამ 8,000-მდე ადამიანის ევაკუირების გადაწყვეტილება მიიღო.

„ბიბისის“ ინფორმაციით, ფერფლი დედაქალაქ მანილას სამხრეთით, 10-14 კილომეტრის სიმაღლეზე ამოიფრქვა, რის გამოც მანილას საერთაშორისო აეროპორტში ავიარეისები დროებით შეწყვეტილია.

შესაბამისმა ორგანოებმა განგაშის დონე გაზარდეს და მოსახლეობას მოსალოდნელი „სახიფათო ამოფრქვევის“ შესახებ აფრთხილებენ.

„ვულკანური ცუნამის“ საშიშროების შესახებ საუბრობს ქვეყნის ვულკანოლოგიისა და სეისმოლოგიის ინსტიტუტიც.

ტაალი ქვეყანაში აქტიურობით მეორე ვულკანია.