თბილისის საქალაქო სასამართლოში 31 დეკემბერს ადმინისტრაციული წესით დაკავებული პირების: ბექა კოკაიას, გიორგი მუმლაძის, ზურაბ ბერძენიშვილის, ლაშა ბურდულის და ზურაბ მჟავანაძის სასამართლო პროცესი მიმდინარეობს.
სხდომას მოსამართლე ივანე აღნიაშვილი უძღვება. დღევანდელ პროცესს არ ესწრება ერთ-ერთი დაკავებული, ზურაბ ბერძენიშვილი.
შეგახსენებთ, აღნიშნული პირები 31 დეკემბერს დააკავეს. სამოქალაქო აქტივისები პარლამენტის შენობის წინ კარვების აღებას და მათ ნაცვლად ატრაქციონების განთავსებას აპროტესტებდნენ.
დაკავებულების მიმართ გამოძიება ადმინისტრაციული კოდექსის 166-ე (ხულიგნობა) და 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) მუხლებით მიმდინარეობს, რაც 15 დღით თავისუფლების აღკვეთას ან ფინანსურ სანქციას გულისხმობს.