ირანის პოლიცია დემონსტრანტების მიმართ ცეცხლის გახსნას უარყოფს. ამის შესახებ ირანის პოლიციის ხელმძღვანელმა თეირანში გამართული შეხვედრის დროს განაცხადა.
მისი თქმით, საპროტესტო აქციის დროს დემონსტრანტებისთვის არცერთ ირანელ პოლიციელს არ უსვრია და დეზინფორმაცია დასავლურმა მედიასაშუალებებმა გაავრცელეს.
შეგახსენებთ, რომ თეირანში ირანის უზენაესი ლიდერის აითოლა ალი ხამენეისა და ხელისუფლების სხვა წარმომადგენლების გადადგომის მოთხოვნით საპროტესტო აქცია გაიმართა. პოლიციამ საპროტესტო აქციის დასაშლელად ხელკეტები და ცრემლსადენი გაზი გამოიყენა. პროტესტი ირანის მიერ უკრაინული თვითმფრინავის ჩამოგდების ფაქტის აღიარებას მოჰყვა, რაც ხელისუფლების მტკიცებით, „ადამიანური გადაცდომით“ იყო გამოწვეული.