ეკა გიგაური - 20-21 ივნისს ბევრ დაკავებულთან დაკავშირებით მტკიცებულებები არ არის მყარი, ვხედავთ პოლიტიკურ მოტივაციებს, მათ შორის ირაკლი ოქრუაშვილთან მიმართებითაც

ვფიქრობთ, რომ 20-21 ივნისს ბევრ დაკავებულთან დაკავშირებით მტკიცებულებები არ არის მყარი და აქ ვხედავთ პოლიტიკურ მოტივაციებს, მათ შორის ირაკლი ოქრუაშვილთან მიმართებითაც,- ამის შესახებ „საერთაშორისო გამჭვირვალობა - საქართველოს” აღმასრულებელმა დირექტორმა, ეკა გიგაურმა პარტია „გამარჯვებული საქართველოს” წევრებთან შეხვედრის დასრულების შემდეგ განაცხადა.

გიგაურის თქმით, მისი ორგანიზაცია აღნიშნული საქმის მასალებს შეისწავლის და საზოგადოებას არსებულ კითხვის ნიშნებს გააცნობს.

„ეს იყო რეგულარული შეხვედრა, რომელსაც ჩვენ ვატარებთ, როგორც პოლიტიკურ პარტიებთან, ასევე საზოგადოებრივ ჯგუფებთან მაშინ, როდესაც მათ მიმართ მიმდინარეობს გამოძიება და მათ აქვთ კითხვები ამ გამოძიებასთან და სასამართლო პროცესებთან დაკავშირებით. იცით, რომ ჩვენ აქტიურად ვართ ჩართული 20-21 ივნისის გამოძიების მონიტორინგში. ჩვენ მოგვაწოდეს ინფორმაცია ამ გამოძიებასთან დაკავშირებით. ჩვენ ვფიქრობთ, რომ ბევრ ამ დროს დაკავებულთან დაკავშირებით მტკიცებულებები არ არის მყარი და აქ ვხედავთ პოლიტიკურ მოტივაციებს, მათ შორის ირაკლი ოქრუაშვილთან მიმართებითაც. ჩვენ შევთანხმდით, რომ ისინი გამოგვიგზავნიან საქმის მასალებს. ჩვენ შევისწავლით და საზოგადოებას ოფიციალურად გავაცნობთ კითხვის ნიშნებს ამ საქმესთან დაკავშირებით”,- განაცხაა გიგაურმა.

რაც შეეხება ბუტა რობაქიძის მკვლელობის საკითხს, გიგაურის თქმით, კითხვას ბადებს ის გარემოება, „რომ თუ იცოდნენ, ოქრუაშვილი ჩართული იყო ამაში, რატომ წარუდგინეს ბრალი ახლა”.

„ამ მიმართულებით გამოძიება უნდა ჩატარდეს და ცხადია, მაშინ როდესაც მკვლელობა მოხდა, ყველა ჩართული პირი უნდა დასჯილიყო. შესაბამისად, ამ შემთხვევაში კითხვა ის არის, რომ თუ იცოდნენ, ოქრუაშვილი ჩართული იყო ამაში, რატომ წარუდგინეს ბრალი ახლა. თუმცა ეს ის საქმეა, სადაც ძალიან ბევრი კითხვის ნიშანი იყო მაშინაც და ახლაც.

ჩვენ მნიშვნელოვან აქცენტს ვაკეთებთ 20-21 ივნისის საქმის გამოძიებაზე და ზუსტად ამ საქმეს შევისწავლით, მასალებსაც ამ საქმესთან დაკავშირებით გამოგვიგზავნიან და დასკვნასაც ამ საკითხთან დაკავშირებით დავდებთ”,- განაცხადა გიგაურმა.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო