ბერლინში, სადაც ლიბიის თემაზე სხვადასხვა ქვეყნის ლიდერები შეიკრიბნენ, უსაფრთხოებას 5 000-მდე პოლიციელი იცავს
ბერლინში, სადაც დღეს ლიბიის საკითხთან დაკავშირებით რამდენიმე ქვეყნის ლიდერი შეიკრიბა, უსაფრთხოებას ხუთი ათასამდე პოლიციელი იცავს. ამის შესახებ ინფორმაციას ბერლინის პოლიცია ავრცელებს.
„დროში შეზღუდულობა, დედაქალაქის მრავალრიცხოვანი სტუმრები, მოვლენათა განვითარების დინამიკა, მრავალრიცხოვანი შეკრებები, რა თქმა უნდა, ჩვენ უნდა დავიცვათ, მათ შორის საფეხბურთო მატჩი - „ჰერტა“-ბავარიას“ შორის - ეს ყველაფერი საჭიროებს არც თუ იოლი ზომების გატარებას შესაძლებლობების ფარგლებში“, - განაცხადა ბერლინის პოლიციის მეთაურმა ბარბარა სლოვიკმა.
ლიბიის დარეგულირების საკითხზე ბერლინში რუსეთის, აშშ-ის, თურქეთის, ეგვიპტის, ევროკავშირის, გაეროსა და სხვა ქვეყნების ლიდერები შეიკრიბნენ.
თავის ქადაგების დროს, ბერლინის შეხვედრაზე რომის პაპმა ფრანცისკემაც ისაუბრა და წარმატება უსურვა.
მან იმედი გამოთქვა, რომ მოლაპარაკება წარმატებით დასრულდება და ძალადობა შეწყდება.
